अर्थहीन नाता मात्रै, गाँसिएछ फर्की हेर्दा ! उनकॊ फोटो बेकारमा, टाँसिएछ फर्की हेर्दा !! धरातल आफैं उनले, भुलिदिइन् मैले होइन ! बेला नभई मध्यरातमै, बासिएछ फर्की हेर्दा !! जुन खोज्न पातालमा, खनिरहिन् सधैं उनले ! सपनीको महल पनि, भासिएछ फर्की हेर्दा !! लोभलाग्दो छुट्टै सुन्दर, संसारको इच्छा थियो ! संगालेका रहर समेत, मासिएछ फर्किहेर्दा !! मनभित्र धेरै जोडेँ, गगनचुम्बी महल पनि ! मक्किएका काठ जस्तै, नासिएछ फर्की हेर्दा !! रहरहरु अनेक थिए, केवल मन मस्तिष्कमा ! थाकिसक्या घाउ समेत, तासिएछ फर्की हेर्दा !! सर्वथोक ठान्थे उनलाई, भूल्थेँ सारा पीरहरु ! पीडा लुकाई अन्जानमै, हाँसिएछ फर्की हेर्दा !!
फर्की हेर्दा
Read User's Comments(0)
आएनछ गणतन्त्र
भोकालाई अघाइ दिन, आएनछ गणतन्त्र ! दुःख-कष्ट भगाइ दिन, आएनछ गणतन्त्र !! पीरव्यथा जनताका, सुन्नेसमेत कोही भएनन् ! निमुखालाई सघाइ दिन, आएनछ गणतन्त्र !! गरीवको आङमा हेर, छैन ढाक्ने लुगा पनि ! नांगालाई लगाइ दिन, आएनछ गणतन्त्र !! स्वार्थी भए नेताहरु, पेवा ठाने देशलाई ! स्वार्थलाई बगाइ दिन, आएनछ गणतन्त्र !! निराशा पो बढ्यो झनै, कस्तो रै'छ गणतन्त्र ! जोश-जाँगर जगाइ दिन, आएनछ गणतन्त्र !!
गइन् उनी
फर्काउन बाटो मैले, घेरे पनि गइन् उनी ! अह्राएका सबै कुरा, टेरे पनि गइन् उनी !! सँगै जिउने सँगै मर्ने, कसम पनि खाइयो ! जतिसुकै चिठ्ठी पत्र, केरे पनि गइन् उनी !! दंग्याएझैं लाग्या थियो, ठुस्किएर जाँदा ! दोबाटोमा बसी जति, हेरे पनि गइन् उनी !! बाँडेकै हो भएजति, भेट हुँदा मनका कुरा ! धोखा दिन्न भनीभनी, खेरे पनि गइन् उनी !! बाँकी थे'न उनका इच्छा, पूरा गर्न मैले ! मौका मिल्दा अँगालोमै, बेरे पनि गइन् उनी !!
Subscribe to:
Posts (Atom)