हुनेलाई सधैँ उस्तै,
खुसीसँगै मोज दशैँ !
देखाउने चाड जस्तै,
थरिथरि भोज दशैँ !!
नहुनेलाई खान निस्तै,
वर्ष दिनको बोझ दशैँ !!
घाँटी हेरी हाड निलौं,
जस्तो सक्छौ, रोज दशैं !!
यहाँ
दुख पाउँछन् चाहिनेभन्दा, जान्नेहरु यहाँ ! सबैलाई आफू जस्तै, ठान्नेहरु यहाँ !! सधैं पर्छन् पेलिनेमा, सोझा सिधामात्रै ! अह्राउनेका सबै कुरा, मान्नेहरु यहाँ !! हुनैपर्छ सोच्न बाध्य, परिश्रमी पनि ! अघि सरी गाह्रो काम, छान्नेहरु यहाँ !! हिँडनुपर्छ रुँदै रुँदै, उपकारी बन्दा ! फसेकालाई हात समाइ, तान्नेहरु यहाँ !! पछुताउँछन् धोखा पाइ, रुन्छन् एकान्तमा ! चरित्रवान बन्न मनलाई, बान्नेहरु यहाँ !! कहलिन्छन् महान् उनै, हुन्छ जयजय ! छाडिएको साँढे जस्तै, हान्नेहरु यहाँ !!
गजल लेखेँ
गरीवीले दुःख पा'को, नलजाई गजल लेखेँ !
गुन्द्रुकसँग ढिँडो खा'को, नलजाई गजल लेखेँ !!
राम्रो लाउन गरीवलाई, आउनै पर्ने दशैं !
टालीटाली लुगा ला'को, नलजाई गजल लेखेँ !!
आधापेटमै रमाउने, मुस्किल कस्तो छाक टार्न !
छिमेकीको पर्म गा'को, नलजाई गजल लेखेँ !!
वर्षामास रातैभरि, ओत लाग्न कति गाह्रो !
घरको छाना खरले छा'को, नलजाई गजल लेखेँ !!
कहाँ पाउनु धानखेत, पाखोबारी नाम मात्रको !
जोत्नलाई गोरु दा'को नलजाई गजल लेखेँ !!
कहिले घाँस कहिले दाउरा, मेलापात कतिकति !
भोकभोकै जंगल धा'को, नलजाई गजल लेखेँ !!
ठूलो मान्छे बनाउने, रहर कत्रो बाआमाको !
कमाउन सहर आ'को, नलजाई गजल लेखेँ !!
रोएँ
भएभरका मौका, चुक्यो अनि रोएँ !
स्वाभिमानी शीर, झुक्यो अनि रोएँ !!
घटेको होइन, जोश र जाँगर !
प्रगतिका पाइला, रुक्यो अनि रोएँ !!
मिहिनेत गर्यो, हात लाग्छ शून्य !
अनुकूलता सबै, लुक्यो अनि रोएँ !!
पुग्दैन आँटेको, खोटी होला कर्म !
समयले भाग्यलाई, थुक्यो अनि रोएँ !!
भएछन् इष्ट, दुःख अनि कष्ट !
पीडाका पोका, फुक्यो अनि रोएँ !!
कठोर वचन, जता गयो उतै !
कोमल मन, दुख्यॊ अनि रोएँ !!
भेटिन्छन् केवल, धोका दिने मात्रै !
विश्वासका मूल, सुक्यो अनि रोएँ !!
Subscribe to:
Posts (Atom)