फर्की हेर्दा

अर्थहीन नाता मात्रै, गाँसिएछ फर्की हेर्दा !

उनकॊ फोटो बेकारमा, टाँसिएछ फर्की हेर्दा !!

धरातल आफैं उनले, भुलिदिइन् मैले होइन !

बेला नभई मध्यरातमै, बासिएछ फर्की हेर्दा !!

जुन खोज्न पातालमा, खनिरहिन् सधैं उनले !

सपनीको महल पनि, भासिएछ फर्की हेर्दा !!

लोभलाग्दो छुट्टै सुन्दर, संसारको इच्छा थियो !

संगालेका रहर समेत, मासिएछ फर्किहेर्दा !!

मनभित्र धेरै जोडेँ, गगनचुम्बी महल पनि !

मक्किएका काठ जस्तै, नासिएछ फर्की हेर्दा !!

रहरहरु अनेक थिए, केवल मन मस्तिष्कमा !

थाकिसक्या घाउ समेत, तासिएछ फर्की हेर्दा !!

सर्वथोक ठान्थे उनलाई, भूल्थेँ सारा पीरहरु !

पीडा लुकाई अन्जानमै, हाँसिएछ फर्की हेर्दा !!